Charlie He's My Darling

"Twas on a Monday morning
Right early in the year,
That Charlie came to our town-
The Young Chevalier!
Charlie he's my darling,
My darling, my darling,
Charlie he's my darling-
The Young Chevalier!

As he walking up the street
The city for to view,
O, there he spied a bonie lass
The window looking thro'!
Charlie he's my darling,
My darling, my darling,
Charlie he's my darling-
The Young Chevalier!

Sae light's he jimped up the stair,
And tirl'd at the pin;
And wha sae ready as hersel'
To let the laddie in?
Charlie he's my darling,
My darling, my darling,
Charlie he's my darling-
The Young Chevalier!

He set his Jenny on his knee,
All in his Highland dress;
For brawlie weel he ken't the way
To please a Highland lass.
Charlie he's my darling,
My darling, my darling,
Charlie he's my darling-
The Young Chevalier!

It's up yon heathery mountain
And down you scroggy glen,
We daurna gang a-milking
For Charlie and his men!
Charlie he's my darling,
My darling, my darling,
Charlie he's my darling-
The Young Chevalier!

The Wounded Hare

Inhuman man! curse on thy barb'rous art,
And blasted be thy murder-aiming eye;
May never pity soothe thee with a sigh,
Nor ever pleasure glad thy cruel heart!
Go live, poor wanderer of the wood and field!

The bitter little that of life remains:
No more the thickning brakes and verdant plains
To thee shall home, or food, or pastime yield.
Seek, mangled wretch, some place of wonted rest,

No more of rest,, but now thy dying bed!
The sheltering rushes whistling o'er thy head,
The cold earth with thy bloody bosom prest.
Oft as by winding Nith, I, musing, wait

The sober eve, or hail the cheerful dawn;
I'll miss thee sporting o'er the dewy lawn,
And curse the ruffian's aim,
and mourn thy hapless fate.

Robert Burns

Corn Rigs Are Bonnie

It was upon a Lammas night
When corn rigs are bonnie, O!
Beneath the moon's unclouded light
I held awa' to Annie, O!
The time flew by with tentless heed
Till 'tween the late and early, O!
Wi' smar' persuasion she agreed to
See me thro' the barley, O!
Chorus:
Corn rigs and barley rigs
Corn rigs are bonnie
I'll ne'er forget that happy night
Amang the rigs wi' Annie, O!

The sky was blue, the wind was still
The moon was shining clearly, O!
I set her down wi' right good will
Amang the rigs o' barley, O!
I kent her heart was a' my ain
I loved her most sincerely, O!
I kissed her owre and owre again
Amang the rigs o' barley, O!

I locked in my fond embrace
Her heart was beating rarely, O!
My blessings on that happy place
Amang the rigs o' barley, O!
But by the moon and stars so bright
That shone that hour so clearly, O!
She aye shall bless that happy night
Amang the rigs o' barley, O!

I hae been blythe wi' comrades dear
I hae been merry drinkin', O!
I hae been joyful gatherin' gear
I hae been happy thinkin', O!
But a' the pleasures e'er I saw
Tho' three times doubles fairly, O!
That happy night was worth them a'
Amang the rigs o' barley, O!

The Banks O' Doon

Ye flowery banks o'bonie Doon,
How can ye blume sae fair;
How can ye chant, ye little birds,
And I sae fu' o' care!
Thou'll break my heart, thou bonie bird

That sings upon the bough;
Thou minds me o' the happy days
When my fause luve was true.
Thou'll break my heart, thou bonie bird

That sings beside thy mate;
For sae I sat, and sae I sang,
And wist na o' my fate.
Aft hae I rov'd by bonie Doon,

To see the wood-bine twine,
And ilka bird sang o' its love,
And sae did I o' mine.
Wi' lightsome heart I pu'd a rose

Frae aff its thorny tree,
And my fause luver staw the rose,
But left the thorn wi' me.
Wi' lightsome heart I pu'd a rose,

Upon a morn in June:
And sae I flourish'd on the morn,
And sae was pu'd oor noon!

Robert Burns